مرض اللاعب مؤمن زكريا ما هي طبيعة وتشخيص مرض التصلب الضموري واللويحي
في الفترة الأخيرة كلنا شوفنا اللاعب مؤمن زكريا لاعب النادي الأهلي في حالة صعبة جدًا..
عنده صعوبة في المشي والكلام وباين عليه جدًا أعراض المرض والإعياء ...
لاحظنا دعم كبير لللاعب من زملاؤه في الفريق ومن الفنان أحمد عز في مسرحية له قدمه على المسرح وقام بتحيته ..
وأغلب اللاعبين لما بيسجلوا هدف بيحتفلوا على طريقة مؤمن زكريا زي ما عمل نجمنا محمد صلاح في هدفه مع ليفربول
سواء كنت تسمع عن مؤمن أو لأ ليك في الكورة أو مش متابع ليها أكيد عدى عليك خبر لمؤمن زكريا أو بوست في دعاء لللاعب بالشفاء أو مساندة ليه لكن سألت قبل كده ايه هو المرض اللي بيعاني منه اللاعب ؟ وهل له علاج ؟ وهل المرض ده ممكن يسبب الوفاة ؟ ... كل ده هنجاوب عليه في المقال ده ...
طيب ايه هم المرضين دول؟ وأسبابهم ؟ والحالة اللي بيكون عليها الشخص المصاب ؟ ونسبة الشفاء من المرض ده ؟
التصلب المتعدد (Multiple Sclerosis)
الأسباب
في الحقيقة أسباب المرض ده غير معروفة لأن المرض ده من أمراض المناعة الذاتية وأمراض المناعة الذاتية باختصار هي الأمراض اللي الجسم بيهاجم فيها نفسه وخلاياه ... بيهاجم فيها نفسه ؟ ... بالظبط الجهاز المناعي هنا بيهاجم بعض خلايا الجسم لأنه بيكون شايف منها خطر وتهديد فيها على باقي الجسم .
هنا بيحصل الضرر لمادة (المايلين) المادة دي اللي بتغطي وبتغلف الألياف العصبية اللي موجودة في الدماغ والحبل الشوكي ... زي بالظبط الطبقة العازلة اللي بتغطي الأسلاك الكهربائية ... طيب في حالة تآكل المادة دي هتبتدي الألياف العصبية في الظهور وده هيعيق نقل الرسائل العصبية والإشارات دي جزئيًا أو كليًا ...
طيب بعد ما عرفنا إن المرض ده ملوش أسباب واضحة بس نقدر نقول إن في عوامل وبيئة مناسبة ممكن يتواجد فيها المرض ده ...
- العمر : ممكن المرض ده يصيب أي شخص في أي عمر لكن الأعمار اللي تم تحديد إصابتها بالمرض بتتراوح مابين 16 سنة لـ55 سنة .
- الجنس : المرض ده بيكون أكثر إنتشارًا في النساء عن الرجال بمقدار مرتين أو ثلاثة مقارنة بالرجال.
- التاريخ العائلي: لو في حد من أبويك أو من اخوتك أُصيب بالمرض ده ممن يكون في فرصة لإصابتك
- العِرق : فرصة إصابة أصحاب البشرة البيضاء والمنحدرين من أمريكا الشمالية أكثر بكثير من الأفارقة والآسيويين .
- المناخ : فرصة إصابة أصحاب المناخ المعتدل والبارد أكبر من المناخ الحار بهذا المرض.
- فيتامين (د) (D) : يرتبط هذا الفيتامين ارتباطًا وثيقًا بهذا المرض ففي حالة هذا الفيتامين وعدم التعرض لآشعة الشمس بشكل كافي قد تكون عرضة للإصابة بالمرض
- بعض أمراض المناعة الذاتية : يمكن أن توجد فرصة قليلة بالإصابة بهذا المرض في حالة إصابتك بمرض الأمعاء الإلتهابي أو الغدة الدرقية أو داء السكري من النوع الأول
- التدخين : يُعد الشخص المدخن أكثر عرضة لهذا المرض
أعراض التصلب المتعدد
- تنميل أو ضعف أحد أطراف الجسم
- أحاسيس مشابهة للصدمة الكهربائية التي تصاحبها حركات معينة في الرقبة وخاصة انحناء الرقبة للأمام
- الرعاش أو انعدام التنسيق أو المشية غير المتزنة
- مشكلات كثيرة بالرؤية
وأيضًا تشمل أعراض التصلب المتعدد
- تداخل الكلام
- الإرهاق
- الدوخة
- وخز أو ألم في اجزاء من الجسم
- مشكلات في الوظيفة الجنسية ووظائف الأمعاء والمثانة