معلومة كل يوم ع الماشي
- عند عمل الباذنجان المخلل أضيفي كميه من البقدونس (المقدونس)المفروم مع الثوم يعطي نكهه وطعم جميل للباذنجان.
- أضيفي ملعقة سكر صغيرة في صلصة المكرونة حتى تتجنبي حموضة المعدة.
- عند قلي البطاطس قبل ما تحمريها اسلقيها خمس دقائق في ميه وملح ومعلقة خل بتقرمش ومش بتشرب زيت
- إضافة قشر الليمون إلى سائل غسيل المواعين بيدى لمعة وريحة جميلة.
- ضيفي ملعقة من السمن أو الزبد إلي محشي ورق العنب قبل ما يتشرب بيخلي طعمه جميل ويكسبه لمعة.
- ضيفي كوب من ال️زبادي في تتبيلة البانيه بيخليه مستوي كويس.
- ادعكي الفراخ ببصلة وملح وفلفل وحبهان مطحون وورق لاوري مطحون قبل السلق عشان يبقى ليها طعم وريحة وخاليه من رائحة الزفارة.
 |
| نصائح مطبخية لست البيت العصرية |
- عند عمل الرز باللبن ضيفي كيس كريم شانتيه هيخلى الطعم جامد وهيبقى شبيه اللي بيتباع في المحلات بالظبط.
- رشي دقيق وملح علي بصل الكشري قبل التحمير عشان يكون مقرمش.
- رشة زعتر على صلصة المكرونة بتدي ريحة حلوة وطعم مميز.
- في خلطه الكفته ضعي ملعقة من البيكنج بودر على عجينة الكفتة المشوية حتى لا تكش وتكون منفوشة وغير مكتومة.
- عند طبخ اللحم أو الفراخ تشوَّحيهم في ملعقه من الزبدة أو السمن البلدي وحبهان وورق لورا ومستكة قبل السلق نديها صدمة بيفرق جدًا في طعمها وطعم الشوربة.
- وإنتِ بتطبخي الأرز الأبيض شوحي مستكة في السمن هيخلي طعمه يجنن.
- لعمل أحلى صلصة مكرونة اضربي مع الطماطم توم وفلفل رومي وفلفل حامي.
- إدهني الفراخ والبط بكاتشب وملح وفلفل قبل ما تحطيها فى الفرن هيخليها لونها حلو.
- وانتي بتقلي البانيه حطي ملعقة زبدة مع الزيت هيبقي زي المطاعم.